مناقشات مجموعة 6 اسبيشيالات

[emooo]

ازيكم ياجماعه اخباركم ايه يارب الاسبشيالات تكون معاكم احسن حظا مننا احنا اللي في الباطنه وعموما نصيحه ابقوا خدوا الباطنه في الصحه وابقوا احضروا في الجامعه براحتكم

معلش ياجماعه ليا استفسار بما ان شفتي الاسبيشيال في الاخر فهل من الممكن كل واحد يقولي ايه نظام الاسبيشال بتاعه وهل بيستفيد ولا لا لاني عايزه ابقي انزل شويه سبيشال
وشكرا مقدما

[dr_mona]

ازيكم يادكاترة يارب تكونوا بخير

انا جالى انف واذن وروماتولوجى

شغالة دلوقتى انف واذن الاستفادة فيه الى حد ما كويسة

وغالبا افضل مكان هو العيادات الخارجية بنشوف حالات كتير

otitis media

otitis externa

tonsillitis

ear wax

allergic rhinitis

اللى عاوز يبقى يحضر يفضل يبقى يوم الاربعاء بتبقى الحالات كتير جدا

وبالنسبة للى عاوز يحضر عمليات انف واذن بتبقى يوم السبت والاحد فى الدور الخامس

وفيه محاضرة لينا فى قسم 5 عشان اهم الادوية اللى بنديها فى الانف والاذن الساعة 11 للى يحب يحضر

بالنسبة للعمليات جميلة جدا ود محمد رشاد غنيم بيقعد يشرحلنا واحنا جوه العمليات

انا شفت عمليات

facial nerve decompression

stapedectomy

biopsy from vocal cord mass for investigation

وباذن الله هبقى اكتبلكم اهم الادوية اللى بنكتبها لمعظم الحالات اللى بشوفها

بالتوفيق ان شاء الله يادكاترة

[dr_mass2000]

المحاضرة هتكون يوم الثلاثاء لـ د. أحمد علام علي الساعة 10 في القسم

[dr_mona]

اسفة نسيت اقول يوم المحاضرة

هيا يوم الاحد الساعة 11 لـ د احمد الديجوى

ودى لكل المجموعات بتاع الانف والاذن أ - ب - ج فى قسم 5

بتاع د احمد علام دى اول مرة اسمع عنها بصراحة

دى لمجموعة معينة ولا ايه يادكتور ولا لكله ؟

[طبيبة للمستقبل]

ايه أخبار شباب الاسبشيالات ؟ ايه الدروس المستفادة من كل فرع ؟ ومادا تعلمت من كل فرع كلينيكالي. ياريت كل واحد يبدي انطباعه ونحن علي مشارف انتهاء الشهر الاول. ارجو من الجميع المشاركة حتي تعم الفائدة

[dr.moony]

السلام عليكم
ازيكم يا دكاترة
خلاص اول شيفت لينا بيخلص وعقبال التانى
كنت عايزة اعرف اخر يوم لينا فى القسم اللى احنا فيه امتى
وهل فيه ورق بيخلص او ورق بيتعمل ولا ايه
ولما ان شاء الله نستلم الشيفت التانى
لازم بردو نعمل اقرار استلام عمل زى الاول؟؟؟؟؟

[webdoctor]

السلام عليكم ... يوم الاربعاء ان شاء الله اخر يوم ... المفروض نخلص ورقة التقييم ونعمل اخلاء طرف ... يوم الخميس هنستلم في القسم الجديد وهنعمل استلام عمل جديد ... لو في حد كان في شيفت قلب واوعيه دمويه يا ريت يعرفنا النظام هناك ... سلام

[dr.moony]

لو سمحت يا دكتور هو ايه اخلاء الطرف ده
انا سالت عليه فى الشئون مفدونيش بحاجة

[webdoctor]

هو كل مكان له نظامه ... في المسالك اخدوا مننا ورقة الحضور اللي كنا بنمضيها من النواب يوميا وانتهي الامر ... واستلمت بالامس في قسم القلب بعد تقديم ورقة استلام العمل

[dr.moony]

شكرا يا دكتور على التوضيح
واضح فعلا ان كل قسم له نظام مختلف
فى الروماتولوجى مكنش فيه ورق حضور ولا اى حاجة
حتى ورقه التقييم اتقاللى تقريبا هما اللى بيمضوها ويبعتوها للشئون بس لسه هروح اتاكد
ياريت بس الناس اللى اشتغلت اشعة الشهر اللى فات يقولولنا ايه النظام
ممكن نستفيد حاجة منه ولا زى ما سمعت محدش بيعلم حد حاجة؟؟؟؟؟؟؟؟

[pearly]

بالتوفيق ياجماعه فى الشيفت الجديد
بالنسبه للقلب والاوعيه الدمويه من الاقسام الممتعه جدا بالذات لو مازهقتش منه
عشان تقدر تستفيد لازم تكون ملازم الدكاتره ..كل الدكاتره على فكره فى قسم القلب محترمين جدا وطيبين جدا
الدكتور عبد الله كان قال ان الدكتور ايمن هيعمل نظام للشيفت الجديد جدول وتوزيعه بحيث ان كل مجموعه تبقى مع دكتور معين ملزمين منه ..... اكتر مكان هيبقى فيه شغل العيادات فى البدايه بتقرا التذاكر بتاع العيانين وتعرف الادويه الشائعه وده بيبقى فى يومين تلاته ممكن تقيس الضغط فى البدايه بعد كده فحص المريض من اوله لآخره بيبقى تبعك والدكتور بيديك الثقه الكامله و ده بيخليك تاخد خبره لانك بتسمع عدد كبير فبتعرف النورمال والابنورمال
لو فى العيادات اختار العياده اللى فيها الدكتور محب او الدكتور عبد الله او الدكتوره جين بيخلوك تفحص المريض لوحدك
المرور بالنهار لو حبيت تستنى مرور الدكاتره لان مش لهم معاد محدد فلازم تستناهم بس المرور مفيد جدا
ولو حبيت المرور الليلى بيبقى احلى كمان وبالذات فى العنايه لما بيبقى فى حالات حرجه

ولو انت غاوى ممكن تقعد مع الدكاتره فى الايكو كويس برده
بس عشان تحس بالمتعه اكتر لازم تتابع بالقرايه بالذات الامراض الشايعه وعلاجها والecgممكن لو طلبت من اى دكتور يشرحلك مش هيتاخر وفى كتب حلوه زى ecg in practice و ecg made easy
من رايي ان الافضل ecg in practice وفى كتاب انا حبيته اكتر من اللى فاتوا وفيه تمارين كتيره اسمهecg notes بس للاسف مش لاقياه فى المكتبات موجود على النت بس
ولو فيه حاجه تانيه حضرتك عايز تسال عليها انا هجاوب ان شاء الله

[webdoctor]

شكرا جزيلا يا دكتوره علي هذه النصائح وان شاء الله نستفيد منها ... حقيقة انا مش راضي عن اول يومين لكن واضح اني لازم اقرا بعض الموضوعات في البدايه ... ان شاء الله نقدر نستفيد من هذا الشيفت ... وربنا يوفق الجميع

[roses]

يا ريت اللي في مركز العيون يقول ايه الاخبار كويس في استفادة ولا لا

[طبيبة للمستقبل]

يا ريت اللي في مركز العيون يقول ايه الاخبار كويس في استفادة ولا لا
بالنسبة للعيون في ايام للعيادة ودا غالبا لكشف النضارة ورؤية حالات كما كان في روند سنة رابعة ,في استقبال للحالات الطارئة ودا ليس كثير غالبا الخميس, اما العمليات فهي غالبا مياه بيضاء او عمليات للحول والشبكية أحيانا, وفي يوم اخر للعمليات الصغري حيث ازالة chalzion or styeاو فك غرز في القرنية, وممكن تسرح كده في المركز فتشوف بعض الinvestigation او الليزر علي retina for diabetic patient. طب التعليم؟ فقط لما تسأل يمكن يمكن حد من النواب يجاوب حتي تعرف مين اللي بيجاوب وممكن يشرح بشكل بسيط . اما الدكاترة الكبيرة فهي اكثر احتراما ويتشرح لكن بسرعة فلازم تكون عارف انت بتسأل علي ايه. وبالتوفيق للجميع....

[pearly]

السلام عليكم ورحمة الله وبركاته
اخيرا شفت الاسبيشيال خلص
كنت عايزه اسال اقرار استلام العمل هنقدمه امتى بكره ولا الخميس زلا هنستنى ليوم الاحد لان السبت اجازه؟