دليل أسرة أبناء النيل

[Dr.Ahmed Ragab]

تحية طيبة لكل اخوانى أعضاء مانس ميد

كل عام وأنتم بخير بمناسبة المولد النبوى الشريف
وبمناسبة تكوين ملتقى الأسر
اسأل الله العلى العظيم ان يكون عاما سعيدا على الجميع
وان يوفقهم الله لكل مايتمنوه
ان شاء الله هذا الموضوع سيكون لتسليط الضوء على اسرتنا - أبناء النيل -
من حيث النشاطات والمقررين والمسئولين والتعرف اكثر على الاسرة
واى استفسارات ياريت تكون فى ملتقى أبناء النيل
اسأل الله العلى العظيم ان ينفعنا وإياكم بها
ووفقكم الله جميعا ولكم منى خالص الحب والتقدير

رجاء من جميع الاعضاء الكرام بعدم وضع ردود فى هذا الموضوع

واى استفسارات ياريت تكون فى ملتقى أبناء النيل

تابعــــــــــــــــونا

[Dr.Ahmed Ragab]

خلونى أبدأ

مش هبدأ من بعيد
شوفو الصورة دى وبعدين اعمل فلاش باك


ايه comes back again دى ؟

هى كانت فين وراحت فين ولا رجعت منين ؟

صبرا انا معاكم ما حدش يستعجل


بداية الحكاية ...


ايوة من 2007

قدام شئون الطلاب
واقف بفكر اعمل حاجة مفيدة
من خلال منظومة منظمة

ادور على الاسر اللى فى الكلية
صراحة الوضع ما شجعنيش قوى

وانا واقف افكر لقيت احمد صقر (مقرر الاسرة )
داخل يسلم عليا

ومن غير مقدمات :
عايزين نعمل اسرة

انا حاسيت انه كان بيفكر معايا فى نفس الموضوع بالظبط

ما فكرتش كتير كنت مستنى الفكرة وبعدين احمد من الناس المشجعة للشغل

عرضنا الفكرة على اصحابنا و زمايلنا
ولقينا قبول مبشر

بجد كلنا كان نفسنا نعبر عن نفسنا
يبقالنا رأى مستقل غير تابع لاحد

يبقالنا وجهة نظر فى السياسة - الرياضة - الادب - العلم .........

بدأنا واحلامنا معانا
بدأنا ونفسنا نعمل حاجة مفيدة لينا ولكل الناس

بدأنا نحاول اننا نشق طريقنا ونحاول نوصل لحاجة كويسة

بحيث اننا ما نكونش انطوائيين ونحاول نفيد الناس اللى حوالينا

كوننا أسرة أبناء النيل

تحت رعاية استاذنا الكبير عادل الهوارى
صاحب الشعبية الكبيرة فى قلوب كل الطلاب

المشوار

كأسرة لسة بادءة حاولنا يكون لنا وضع كويس بين الاسر الطلابية اللى كانت فى الوقت دا 20 أسرة

وفعلا قدرنا يكون لينا مكان بين الاسر وان الناس يعرفونا بسرعة مذهلة


بعض الانجازات :

* المشاركة فى معرض الاسر .

* مجلة أبناء النيل : كنا اسرة من 3 اسر بس عملت مجلة
وفعلا كانت مجلة اشاد بيها ناس كتير
عملنا عددين كل عدد وزع 2000 نسخة على طلبة كلية الطب
( على فكرة الخطوة دى مكلفة جدا جدا ومش اى حد يقدم عليها )

* دورة كرة القدم من 16 فريق

* دورة الشطرنج

* المشاركة فى رحلات الاتحاد

* المسابقات الثقافية والعلمية

* والكثير من الحملات الاجتماعية والثقافية


انجازات فردية لاعضاء الاسرة

* دخول الاسرة بعضوين فى مسابقة الطالب المثالى وهما أحمد رجب - انا - واحمد صقر
والوصول الى التصفيات النهائية على مستوى الكلية
ونكون احنا الاتنين من اربع طلاب فى اليوم الاخير
واحصل على المركز التانى فى المسابقة واحمد صقر على المركز الرابع

* فريق النوابغ لكلية طب المنصورة الذى يتكون من 4 طلاب + 1 اضافى
-والذى يمثل الكلية على مستوى الجامعة - منه 3 من اعضاء الاسرة .

* المنافسة فى مسابقات الادب والشعر على مستوى الجامعة

* أكون ممثلا لجامعة المنصورة للقاء الرئيس مبارك ووزير الداخلية فى أكاديمية الشرطة .
* وغيرها


دا اللى فات...
طيب

اللى جاى ايه ؟!!!

اللى جاى حاجات اكتر بكتير ان شاء الله

بس أستريح شوية وأكمل تانى


رجاء من جميع الاعضاء الكرام بعدم وضع ردود فى هذا الموضوع

واى استفسارات ياريت تكون فى ملتقى أبناء النيل